मराठी बोधकथा – Marathi Moral Story – Be Positive – छान विचार

0
953
marathi-suvichar-good-thoughts-in-marathi-suvichar-marathi-मराठी-सुविचार-सुविचार-मराठी-सुविचार-इमेजेस-suvichar-images-vb- marathi-bodhkatha-मराठी-बोधकथा
marathi-suvichar-good-thoughts-in-marathi-suvichar-marathi

मराठी बोधकथा – Marathi Moral Story – Be Positive – छान विचार

एका राजाचे त्याच्या हत्तीवर खूप प्रेम होते… तो हत्ती ही खूप चांगलाच स्वामीभक्त होता. 
तसेच चांगला योद्धा ही होता. त्या हत्तीवर बसून राजाने जेव्हाही युद्धकेले त्याला
विजयीच झाला.
 
काही वर्षात हत्ती म्हतारा व्हायला लागला… आता राजानेही आता त्याला युद्धात 
घेवून जाणे बंदच केले.
 
एक दिवस हत्ती सरोवरामध्ये पाणी पीत असतांना अचानक त्याचा तोल गेला
आणि तो सरोवराच्या चिखलात फसला आता त्याला उभेच होता येत नव्हते.
हत्ती ने खूप प्रयत्न केले पण त्याच्या वृद्धावस्थेमुळे त्याला चिखलातून निघणे शक्य नव्हते… 
आता तो जोरजोरात ओरडू लागला. हत्तीचा आवाज माहूत ने ऐकल्यावर तो धावतच
हत्तीच्या जवळ आला.
परंतु सरोवरातून त्याला बाहेर काढणे कुणालाही जमेना. तेंव्हा त्यांनी त्याच्या शरीराला
भाले टोचायला सुरुवात केली. कारण भाल्याच्या टोचण्याने तो आपली पूर्ण शक्ती
लावून प्रयत्न करेल आणि बाहेर येईल, पण हत्ती बाहेर येऊ शकला नाही.
भाल्याच्या टोचण्याने हत्तीच्या डोळ्यातून अश्रू येऊ लागले.
ही बातमी राजापर्यंत गेली. 
राजाने लगेच त्या हत्तीच्या जुन्या आणि अनुभवी माहुताला बोलावणे पाठविले.
माहूत आला, राजा शेजारीच उभा होता.
थोडा वेळ विचार करून माहूतने राजाला सल्ला दिला की….
महाराज…! आपण आत्ताच युद्धाचे नगारे वाजवा, या सरोवरा भोवती
सैन्य जमा करा, आक्रमणाच्या घोषणा सैनिकांना द्यायला सांगा. 
राजाने त्या जुन्या महुताचे विचार ऐकले आणि युद्धाचे नगारे वाजविण्याचा आदेश दिला. 
राजाचे आदेश मिळताच नगारे वाजू लागले, सैनिकांच्या रांगा शिस्तबद्धपणे लागल्या.  
आक्रमणाच्या घोषणा ऐकू येवू लागल्या. 
त्याबरोबर हत्तीच्या अंगात वीरश्री संचारली आणि तो त्या चिखलातून बाहेर पडला.
त्याचे मनोबल हे युद्धासाठी तयार झाले होते. राजाने जुन्या माहुताचे आभार मानले
आणि बक्षीस दिले.
Be Positive – छान विचार
लक्षात ठेवा….. 
निराशावादी विचार ठेवल्याने
कधीच यश मिळत नाही.
सकारात्मक विचारसरणी
असल्यास प्रगती होते.
छान विचार
जर नशीब काही चांगले देणार असेल
तर त्याची सुरुवात कठीण गोष्टीनेच होते ..
आणि नशीब जर काही अप्रतिम देणार असेल
तर त्याची सुरुवात अशक्य गोष्टीने होते…!

LEAVE A REPLY

Please enter your comment!
Please enter your name here